影壇大美人林青霞， 94年閃嫁香港富商邢李㷧即退隱相夫教女,退出多年巨星氣場不減,64 歲保養得宜,不經不覺兩位千金亦亭亭玉 立,23 歲大女愛林已經大學畢業成為設計師,二 女言愛今年亦18歲,雖然小時候被指長得較似爸 爸,但女大十八變,言愛愈大愈似媽咪,更遺傳媽 咪超強藝術細胞,自小表演慾強,現時是校內舞界精 英分子;日前,充滿文藝氣質的邢言愛,由司機接載 外出,一身陽光膚色加埋小背心熱褲青春逼人,有 媽咪優良基因突圍,絕對是最強潛力股,邢家好快多個舞壇小青霞耀眼跑出！
林青霞二女 最強潛力股
演藝事業成績輝煌的林青霞,在影壇22年拍下過百部電影,扮相宜古宜今的她,更被喻為台灣影壇第一美人,不過,女神卻選擇 在事業高峰期引退閃嫁,94年同香港富商邢李㷧在三藩市豪宅舉行 世紀婚禮,婚後專心相夫教女過少奶奶生活。14年青霞60大壽,獲 老公豪花百萬在半島酒店舉行盛大生日會慶祝,事業家庭美滿,當 時她便在個人社交網留言發表登六感想。「如果你問我60歲有甚麼感 言,我會說『圓滿』,我有你們這麼多好朋友關心我,我有三個乖巧 的好女兒、我有一個好老公,他們總是默默的支持我包容我。」除了對老公與前妻所生女兒邢嘉倩視如己出,青霞在96及01年 誕下兩位千金邢愛林和邢言愛,女兒名字還別有意思,邢愛林有著 「邢李㷧愛林青霞」之意,而邢言愛諧音是「仍然愛」,可見邢李㷧對老婆愛錫花盡心思,浪漫表現盡在不言中。
林青霞極之保護兩個女,當中二女邢言愛更少有公開亮相, 轉眼18歲的她,原來愈大愈省鏡,日前素顏打扮隨意落中環買嘢,眉眼睇落有幾分似媽咪咁有文藝氣質!
支持女兒寄宿
有個光芒萬丈靚媽,兩位邢家千金自小已備受關注,不過在父 母保護下生活低調更絕少公開亮相,轉眼細女言愛已經18歲,愈大 愈得媽咪真傳,眉目清秀有幾分媽咪當年文藝女神氣質,家姐愛林 嚮往自由不受拘束,言愛則熱愛表演唔介意做焦點,更遺傳媽咪超 強藝術細胞,戲劇跳舞樣樣精,教女有方的青霞,對女兒學習持開 放態度,為培育女兒藝術潛能,未有安排她讀傳統名校,女兒選讀 寄宿學校亦大表支持。據知情者透露:「青霞教女好開通,唔會乜都 干涉,佢主張女兒要有自信同自立,自己掌控自己人生,所以一路 都畀百分百自由兩個女,由細到大言愛好活潑好動,好有表演 慾,見個女咁有天份,青霞著重畀佢發揮自己潛能同找尋自己的興趣,囡囡話想讀寄宿學校,青霞亦冇反對,當然最初都 唔太放心,又有啲唔捨得,但知道個女性格開朗,同人 相處一定冇問題,佢都想個女可以趁機學習獨立,而且 言愛揀讀嘅李寶椿聯合世界書院,係一間培育唔少IB狀 元嘅高質學校,對入高級學府,好似美國哈佛、英國牛 津同劍橋都有優勢,絕對好啱個女。」
邢言愛性格開朗活潑, 歲的她更愈大愈似媽咪。
唔畀人知家底
雖然出身富裕,但兩個女性格低調從不炫富,愛林 早年獲爸爸轉移4億公司股份,亦唔靠父蔭寧願出外打工 由低做起,開朗不拘小節的言愛,更是校內高材生,曾 代表學校做「交流生」,又擔當不少學校晚會表演,是校 內風頭躉。據知情人士透露:「言愛同家姐一樣,唔會炫 耀自己家底,唔想人哋覺得佢與別不同,喺讀國際學 校,佢班同學多數係外國人,唔會八卦娛樂圈嘅嘢,對 佢會冇咁大壓力,本身佢就好活躍,成日都會參加校內 活動,就算屋企有錢,佢都唔會大小姐上身,乜都等人 服侍,試過出席校內活動,佢唔介意幫手執枱斟茶遞 水,就因為家教好,言愛好受老師和同學歡迎!」日前,打扮隨意的邢言愛由司機接載出動,去咗中 環買嘢,著住黑色小背心加熱褲一身陽光朝氣,眉目清 秀的她,愈大愈似媽咪,還有幾分媽咪明星氣場,相信 假以時日,這位舞壇新星勢必大放光芒!
邢言愛在香港李寶椿聯合世界書院升讀預科 課程,是校內高材生兼活躍分子,經常參加 校內活動及晚會表演,是學校風頭躉。
即使有富爸爸做後盾,自細集萬千寵愛,不過邢言愛全無富二代架子,當日亦只買幾十元的熱狗醫肚。
14年林青霞60歲生日，老公邢李㷧豪花百萬為愛妻在半島酒店開慶祝, 一家五口全家福曝光,當時青霞兩個女都被指長相較似爸爸,而年僅13歲的邢言愛樣子可愛甜美!
林青霞教育下一代態度 開明,照顧三個女兒亦 一視同仁,待老公與前 妻所生的女兒邢嘉倩視 如己出,三個女相處毫 無隔膜表現有愛。
去年4月,林青霞獲烏甸尼遠東電影節頒發終身成就獎,大女邢愛林神秘現身獻 花賀媽咪,令青霞感動到眼濕濕!早年已獲爸爸邢李㷧轉移4億公司股份,又得 媽咪送贈過億The Mayfair豪宅,不過愛林卻選擇做打工仔不靠父蔭。
林青霞今年三月專登飛台為電影《滾滾紅塵》修復版宣傳, 歲的她保養得宜,巨星氣場不減當年。
林青霞就曾公開透露,拍完電影《東方不敗》令她萌起退休念頭,電影更為她拿下金馬影后。
15年復出拍攝內地真人騷《偶像來了》,依然驚艷。
婚後退出娛樂圈相夫教女,林青霞閒時就同好姊妹 陶敏明結伴行街,過闊太生活。
(資料來源：網上截圖/連結)